再沒有小蝠一起推TEAM 4

攞有關其他blog友既野黎寫都應該係第一次

諗左好耐都唔知個BLOG應該用乜野標題
結果改左幾次就用左呢個


我諗有睇我BLOG既BLOG友基本上都會有睇小蝠既BLOG
咁應該都知小蝠去完睇HKT之後正式宣佈全面轉推啦

又如果有人留意到既話
可能會見我對佢近黎不斷寫HKT會去阻撓
會去"追打"佢, 總之就係好不滿咁

一個正常人都會話
人地推邊個轉唔轉推關你乜事
而講真, 真係唔關我事, 但點解我會咁呢?



其實我睇小蝠BLOG唔係話真係好耐
第一次睇小蝠既BLOG係search島田晴香既野時搵到
當時TEAM 4剛剛成立, 但有晴香既野都係好少
所以好難得見到有關於佢既BLOG
唔只係佢, 應該係話成個TEAM 4至係

當時對TEAM 4成員既認識只係好開始既階段
係睇小蝠既新舊BLOG慢慢咁累積落去
雖然慢慢周圍都有人開始留意同鍾意T4
但無論係認知上同感情上同小蝠比得上好似冇幾個

第一次o係小蝠度留言係T4初日公演既日子
其實一早想留言, 不過當時小蝠未upgrade YAHOO! BLOG所以留唔到
就係咁日日上去睇BLOG去留言就成為左我生活一部分
之後小蝠買年曆時問BLOG友應該買晴香定係玲奈既
結果佢都係買左PARURU同埋晴香兩位T4既

簡單黎講就係
係小蝠將我帶入T4既世界
係小蝠幫我對T4既愛慢慢成長
我推T4的既路上面
無形中當左小蝠係一個好重要既伙伴



宜家小蝠轉推了
再唔會睇到咁多有關T4既文 (其實一早已經少左 ...)
可能少左一個人為T4既事去興奮
又可能少左一個人分享佢買T4既野

雖然慢慢新認識既BLOG友中都有鍾意T4的
但始終講T4推就會諗起小蝠
宜家開始要適應過黎


某程度上, 其實我覺得話小蝠係T4推
其實更正確應該係9/10期推
加入左幾位11/12期, 可能早已經將佢對T4既愛沖淡了

最重要既係, 冇左森, T4根本唔係小蝠心目中最愛既T4
以前有空缺既時候還可以o係心入面留個位罝比佢
宜家已經完整16人
再唔可能咁樣諗了

不過我都唔知今次小蝠所指既轉推
包唔包括森 ...

不過呢d都係我自己亂諗既野
幻想人地既心態人地既想法係我性格特徵既一部分


雖然轉左推, 不過我都相信小蝠唔會對T4完全置之不理
正如之前小蝠有提過推同喜歡係唔同
我諗左一輪好似明點解
推既確實係一個你會去花時間花精力去留意佢怎至想去幫助佢
喜歡既就係喜歡
唔推唔代表你唔喜歡, 或者可能係代表再唔需要用以往既方法去喜歡佢

之前有人話小蝠係幼苗保衛隊
咁宜家佢肯轉推可能證明左T4已經上軌道
唔需要小蝠去特別保護了

呀, 呢個又係我自己諗出黎既諗法


所以, 宜家我唔會再去追打佢, 唔會去話佢
其實我冇理由將自己對T4既感情伸延到佢身上
好似唔比佢鍾意佢宜家最鍾意既HKT咁

唔 .... 講完. 好似講得有D亂, 算啦.

(當日如果唔係呢個節目, 或者我唔會開始睇小蝠既BLOG
所以除左係小蝠帶我去認識T4之外 某程度上都係T4 帶左我去認識小蝠)